أسئلة متكررة عن مسابقة بلا مُخرج
  • س: هل ضروري كون بمكان معين؟
  • ج: لا ما في شي محدد، نحنا منتمنى نستقبل فيديوهات من كل السوريين، جوا وبرا سوريا وحتى من أهالينا اللي محاصرين

 

  • س: كيف ممكن تحسين جودة التصوير والتسجيل؟
  • ج:
    • التصوير بالعرض وليس بالطول
    • اختيار اضاءة جيدة، وبحال كان التصوير ليلي اختيار مشاهد واضحة
    • لازم تكون الشمس ورا الكاميرا، يعني تفادي الشمس والإضاءة الساطعة الموجهة عالكاميرا
    • تفادي الحركات المفاجئة
    • استعمال السماعات والمايك أثناء التصوير لتحسين جودة الصوت
    • تفادي الهوا القوي لأنه بينزع الصوت، وبحال التصوير بمكان فيه هوا قوي لازم يتم تسجيل الصوت بشكل منفصل بمكان هادي وإرساله مع الفيديوهات

 

  • س: ضروري كون سوري لحتى اشترك؟
  • ج: لأ، ما في شرط لجنسية اللي حابب يشترك بس الأفضل يكون الموضوع متعلق بسوريا أو بالسوريين. وطبعاً ممكن إرسال الفيديوهات بمشاركة أكتر من شخص

 

  • س:  لوين بدي أبعت مقاطع الفيديو؟
  • ج: على الرابط المخصص، بالإضافة للمعلومات المطلوبة: الاسم والكنية والإيميل والإجابة عالأسئلة التلاتة المذكورين على نفس الرابط (اضغط هنا)

 

  • س:هل لازم يكون الفيديو مصور بشكل احترافي؟
  • ج: لأ، المسابقة موجهة للهواة، وفريق سوريالي رح يقوم بإنتاج الفيديو النهائي. المطلوب هو مجموعة فيديوهات بصورة وصوت واضح وكاميرا الموبايل كافية.

 

  • س: هل من الضروري أعمل مونتاج للفيديو أو ضيف عليه مواد خارجية؟
  • ج: لأ ما في ضرورة، فريق سوريالي رح يعمل المونتاج ويضيف الموسيقى وفيديوهات خارجية بشكل مناسب، إذا عندك تفضيل لمواد معينة تكون ضمن الفيديو النهائي ممكن ذكرها على شكل ملاحظة ضمن حقل المعلومات الإضافية على رابط رفع الفيديوهات (اضغط هنا)

 

  • س: هل المطلوب تقرير صحفي أو مقابلات مع أشخاص؟
  • ج: الأفضل تكون القصة شخصية وعن موضوع أو عدة مواضيع طرأ عليها تغييرات خلال الست سنين الماضية

 

  • س: ضروري يطلع وجهي و/أو اسمي بالفيديو؟
  • ج: لأ، ما في ضرورة. بتقدروا تختاروا اسم مستعار وما في ضرورة لإظهار الوجه.
  • س: كيف ممكن استلم المصاري بحال ربحت؟
  • ج: بما أنه السوريين متوزعين بكل أنحاء العالم وحتى اللي بسوريا ظروفهم كتير مختلفة فكل حالة مختلفة عن التانية، بس الأكيد أنه منلاقي طريقة نوصل المبلغ للكل، حتى يلي تحت الحصار