عم تسمعوا:
الأحد 28

موسيقى ومتفرقات

الإثنين, 17 أبريل, 2017 عالـ 11:35 م - الأربعاء, 18 أبريل, 2018 عالـ 1:30 ص

بلا مُخرج، عن قصتنا ووين صرنا


بلا مخرجعن مسابقة بلا مُخرج

الهدف من مسابقة بلا مُخرج هو تسليط الضوء على حياة السوريين آخر كم سنة، سواء اللي جوا  البلد أو اللي صاروا براتها. كيف عايشين وكيف علاقتهم مع بعض ومع الأماكن والمجتمعات اللي عايشين فيها. شو مر عليهم بالست سنين الماضية وشو عم يمر عليهم كل يوم. كيف عم يغيروا عاداتهم ليتأقلموا مع الواقع الجديد بسوريا وبراتها، وشو عم يتغير عليهم للأحسن أو للأسوأ.

طريقة المشاركة

  • لاقوا فكرة متعلقة بحياتكم اليومية.
  • خططوا كيف بدكم تعبروا عن هي الفكرة بفيديوهات من تصويركم (وممكن ينضاف عليها فيديوهات من مصادر خارجية).
  • ابعتولنا الفيديوهات وعبوا المعلومات المطلوبة على هاد الرابط.
  • ما في داعي تعملوا أيا تعديل على مقاطع الفيديو أو الصوت، ابعتوها متل ما هي ونحنا منعمل الفيديو النهائي.

رابط رفع الفيديو وتعبئة الاستمارة

الجوائز

  • 15 جائزة بقيمة 100 يورو لكل واحد من الفيديوهات اللي رح يتم اختيارها لتنعرض خلال رمضان.
  • جائزة بقيمة 200 يورو للفيديو يلي رح يحصل على أعلى تصويت من الجمهور.
  • جائزة بقيمة 500 يورو للرابح النهائي بناء على تصويت الجمهور وتقييم لجنة مستقلة من المختصين.

مراحل المسابقة

  • استلام الفيديوهات من 4 لـ 20 أيار 2017.
  • اختيار الفيديوهات من 20 لـ 21 أيار 2017.
  • إنتاج الفيديوهات من قبل فريق سوريالي ابتداءً من 21 أيار.
  • عرض الفيديوهات والتصويت عليها من قبل الجمهور من 27 أيار لـ 27 حزيران.
  • إعلان الفائزين 1 تموز.

شروط المشاركة

  • شروط عامة
    • إرسال المواد قبل الموعد النهائي بـ 20 أيار.
    • تعبئة الاستمارة بشكل كامل لحتى نقدر نتواصل معكم بحال تم اختيار الفيديو.
  • شروط تقنية للفيديو
    • مجموع مدة مقاطع الفيديو لا تتجاوز 5 دقائق.
    • عدد الفيديوهات الكلي لا يتجاوز الـ 5 فيديوهات.
    • وضوح الصورة والإضاءة المقبولة.
    • تصوير ثابت قدر الإمكان.
    • صوت واضح، وبحال كان في ضجة بمكان التصوير، ممكن تسجيل صوت الكلام بمكان هادي وإرساله بشكل منفصل.
    • لازم يكون التصوير بشكل عرضي وليس طولي.

إذا عندكم استفسارات ممكن تشوفوا رابط الأسئلة المتكررة أو تتواصلو معنا على contact@souriali.com أو على صفحتنا عالفيسبوك

معايير الاختيار

  • الفكرة المميزة.
  • الربط مع الحياة قبل الـ 2011 وإظهار التغيير.

اقتراحات

  • الاطلاع على الفيديو النموذجي كمثال عن الفكرة.
  • ممكن الفيديو يكون عن واحد أو اكتر من هي المواضيع أو أيا موضوع تاني حابين تحكوا عنه
    • الحياة اليومية
    • رمضان
    • العادات والتقاليد
    • العادات الدينية
    • مكان/مدينة السكن
    • المناسبات والأعياد
    • المواصلات
    • أوقات الفراغ
    • الدراسة
    • الشغل
    • التعامل مع الناس
    • الهوايات
    • معاملات الدولة
    • القوانين
    • الاهتمامات
    • التسوق
    • التياب
    • يوم العطلة
    • السفر

لا تنسوا تشاركوا هي المسابقة مع رفقاتكم وتتابعوا صفحتنا عالفيسبوك وقناتنا عاليوتيوب مشان تعرفوا إذا ربحتوا وتشوفوا الفيديوهات أول بأول.