دقة عيش 1

دقة عيش, لمسة, تخليص أو شو ما بدكون سموها. أشهر لعبة بسوريا, لعبة جماعية وعمل فريق. ووقت مليان تسلاية ونشاط. راح نكون معكون بكل يوم جمعة الساعة 4 ونص المسا بتوقيت سوريا حتى نجتمع, نتسلى, ونلعب, ونتعلم شغلات جديدة كل مرة.
كونو معنا بأول حلقة من برنامجكون الجديد أصدقاءنا الصغار الجمعة 23 كانون التاني الساعة 4 ونص المسا لحتى تكونو بالمشوار من أولو, راح نسمع عن أماني أصدقاءنا الصغار بالعام الجديد, ونحكي قصة حلوة عن ولد صغير طار لعند القمر حتى يلعب معو, وراح نحكي عن كتير شغلات تانية, اسمعونا باول بث لدقة عيش, على هوا سوريالي.

دقة عيش الجمعة 4:30 ظهراً بتوقيت سوريا على راديو سوريالي.

نبذة عن الكاتب

مايا

معدة ومقدمة برنامج أخد وعطا "حلمي بانو كل السوريين يعيشو ببلد واحد، بيعرفو فيه حقوقون وواجباتون، بلد بيسود فيه القانون، وبتسود فيه المواطنة على كل التصنيفات العرقية والطائفية والقبلية. حلم لسا الطريق الو طويل، بس سوريالي هو حتما خطوة مهمة لكل اللي عم يشتغلو فيه على هاد الطريق، لأنو مساحة حقيقية لنخلق هوية مشتركة بيينا كلنا كسوريين، هوية إيجابية فيها اللي بيجمعنا أكتر بكتير من اللي بيفرقنا. ومشان هيك أنا هون "

Loading Facebook Comments ...