من المهاجرين لمشروع دمر – بيتي هون 26

من الذاكرة

ضيف حلقة اليوم فاروق نشار، تنقل بين منطقتنين سكننيات، الأولى هي المهاجرين، وبعدين ع مشروع دمر.

بالمهاجرين كان الاستدلال على بيت فاروق صعب متل بكل الحلقات، مع الدكنجية والحلاقين المحيطين بالمكان وتفاصيل الجادة 5 ونص متل ما سماها فاروق، بينما كانت منطقة مشروع دمر مختلفة، بنظام جديد لترقيم الأبنية والبيوت، مشروع دمر يلي كان منطقة سكنية تجمع فيها كتير من الطبقة الوسطى بسوريا.

بهي الحلقة، رح نروح لنتذكر هدول المنطقتين بالإضافة لكتير من المدارس يلي تنقل فيها فاروق.

للصوت 

بحلقة اليوم ذكرنا فاروق بعادة سورية ما كانوا السوريين يشتروا بيوت، مشان ما يجمدوا مصاريهن، وهيك تنقلت العيلة بين بيوت كتير بين أجار وشراء، هاد الشي أثر بشكل كبير على ضيف الحلقة فاروق، يلي تنقل بين المهاجرين ومشروع دمر، ومدارس كتيرة ومغامرات كتيرة، كملوا معنا سماع هي الحلقة من بيتي هون.

اسمعوا الحلقة عالساوندكلاود

– – – –

والصورة

بعض الصور للأماكن والحكايات يلي حكالنا عنها فاروق نشار

بعد شارع السلمية بحارة بطلعة شورى، كان في حارة .. ما اعتبروها جادة اعتبروها نص جادة، وهنيك بيت فاروق، بهي المنطقة، الناس كلها بتعرف بعض من السلمية لحتى السكة، وين ما مرقت بتعرف الناس كلها ..  
بهي الحارة كان الخضري عمو أبو هاشم  يلي كان يعمل بوظة على لبن وهي مميزة كتير رغم بساطتها ويلي كان قوامها لبن مجمد مع عصاية، واللحام أبو عماد، وبالحارة يلي تحت كان الحلاق أبو فادي يلي ضل لسنين يحلق الحلاقة يلي خبروا عنها أبوك، وضلت ملازمة لألك كل طفولتك

بياع الشاطرين، ويلي كان من المحلات يلي كتير من أهل الشام وبالأخص اهل المهاجرين .. نقطة علام مهمة

بعد قرار والده بأن لا يجمد أمواله، فقرر الاستئجار .. ومشان هيك تنقل فاروق بكتير من البيوت بمشروع دمر

أول شي بالجزيرة 6 برج 22 بعدين انقل على الجزيرة 8 بناء رقم 15 قريب من نادئ الفيجاء، وهيك مع كرة السلة بلش فاروق يتعرف على شباب وصبايا مشروع دمر.

الشارع العام من الجزيرة ال3 للجزيرة العاشرة قبل التوسع الكبير يلي لحق بمشروع دمر والإقبال الكبير يلي صار عليه، كان الشارع العام هو منطقة التجمع للشباب وخاصة الأكشاك .. بيتذكر فاروق الكشك تبع الجزيرة العاشرة، وسوق السابعة، وبياع الشاورما قبله يلي رغم أنه ماكانت سندويشته طيبة بس كانوا دائماً مصرين ياكلو منه، وبهاد الشارع كانت كل الذكريات

نبذة عن الكاتب

عمرو سواح

معد ومقدم برامج في راديو سوريالي .ناقد مسرحي وكاتب ومحرر. يقيم حالياً في مدينة بوردو

Loading Facebook Comments ...