شو بتعرفوا عن لعبة المنقلة؟

شوهي؟

هي لعبة قديمة ومعروفة بعدة اماكن حول العالم، وبسوريا منشوفها منتشرة بمناطق الساحل السوري والمنطقة المتوسطة… بيقولوا انو هي أقدم لعبة لوحيّة بالعالم، بس رغم بدائيتها لحتى تقدر تلعبها بتحتاج لكتير حسابات دقيقة لحركات الحجار والنتائج اللي بتترتب عليها، وبيرجع تاريخها لحوالي  1400 سنة قبل الميلاد

تاريخيا:

في أكتر من رواية بيحكوا عن أصل لعبة المنقلة:

الرواية الأولى أنه لعبة المنقلة هي أول لعبة اكتشفوها على لوح حجري بمدينة منفيس بولاية طيبة والأقصر بمصر.

والرواية التانية وبناء على ادلة كتير بتقول انو اللعبة كانت معروفة بلاد سومر من قبل وبفترة الاحتلال العثماني انتشرت اللعبة من إفريقيا والشرق الأوسط، لكل أنحاء منطقة البحر الكاريبي وعلى الساحل الشرقي بأمريكا الجنوبية بعد هجرة (العبيد)..

وفي رواية تالتة بتقول انو اللعبة اصولها تركية، وهي بترجع للقرن السادس الميلادي

ومن محبة ممارسين هاللعبة فيها، منشوفهن عم يتفننوا باللوح الخشبي للعبة، ناس بيزينوه وناس بينقشوه نقشات خاصة

وبتنلعب هاللعبة ب ثلاث طرق هي:

دورة واحدة

دورات متعددة

دورات هندية متعددة

أما اشهر اللعبات اللي بتنلعب بسوريا فهي المجنونة والعاقلة.

وللّعبة بجزر الهند الغربية بتحمل معنى ديني، وكانت اللعبة تنلعب بالعزا اعتقاداَ بأنها بتسلي الميت لبينما يندفن

ومن المهم ذكره انو لعبة المنقلة هي اقدم لعبة شعبية بتحمل اسم عربي ، وهي منتشرة كتير عند كبار السن وذوي الاحتياجات الخاصة، مشان هيك بسموها لعبة المتقاعدين، وبتحتاج لتركيز كبير.

نبذة عن الكاتب

محرر سوريالي

Loading Facebook Comments ...