عسر القراءة

القراءة هي من أهم المهارات الأساسية بالعملية التعليمية، لأن كل شي فيها ينبنى على القراءة، لهيك كلياتنا كأهل ومربين منهتم بأن الطفل يتعلم القراءة بوقته وبشكل صحيح، بس في ظاهرة بتصير عند بعض الأطفال ما بيقدروا يمتلكوا هالمهارة مهما حاولنا نعلمهن القراءة، رغم انهم ضمن المستوى الطبيعي من الذكاء، وأحياناً مستوى ذكائهن عالي وهي المشكلة اسمها هدول عسر قراءة، او الديسلكسيا Dyslexia.

اضطراب العسر القرائي:

ليس له أي علاقة بتدني الذكاء أو التخلف العقلي، لان الأطفال اللي عندهم عسر قرائي ممكن كتير يكونوا مبدعين بمجالات تانية.

كيف منعرف إذا الطفل عنده عسر قراءة؟

 – عدم القراءة بوضوح، أو خلط الحروف أو الكلمات أو الجمل

 – قلب الطالب مقطع من الكلمة فيقرأ كوافه بدل فواكه

 – يحذف حروف ويضيف حروف متل انو يقرأ ولد بدل والد

 – إضافة كلمات مو موجودة بالنص

 – تكرار الكلمات نفسها اكتر من مرة بدون مبرر

 – تبديل بعض الكلمات بكلمات أخرى بنفس المعنى متل العالية بدل المرتفعة

 – صعوبة التركيز على موقع النص وبيوضح هاد الشي بارتباك الطالب وقت بدو ينتقل من سطر للسطر اللي بعدو.

مظاهر بترتبط بالأنشطة اليومية:

ضعف التركيز على قصة عم يسمعها

صعوبة التنسيق بالنشاط اللي عم يعمله متل مسك الكرات أو تنطيطها أو رميها

صعوبة اداء بعض الأعمال متل لبس الملابس وربط الحذاء واستعمال الزرار.

مظاهر أخرى:

رداءة الخط

الخروج عن  السطر بالكتابة

صعوبة ترتيب الحروف.

اذا لاحظنا كل هالمظاهر عند طفلنا رغم مرور 6 شهور على بداية تعلم القراءة، لازم نعرضه على مختص وهو بيقرر التشخيص.

كيف نتعامل مع الحالة:

 – تشجع الطفل باستمرار لرفع معنوياته

 – معالجة أسباب الظاهرة اللي ممكن تكون نفسية أو اجتماعية أو تعليمية تربوية

 – توفير بيئة مساعدة للطفل على التعلم والاستيعاب خالية من التشويش

 – التكلم مع الطفل بلغة سليمة وصوت واضح، وطرح الأسئلة بشكل واضح، وعدم تعقيدها أو تركيبها

 – عدم إحراج الطفل اللي عنده عسر قراءة أمام أصدقائه أثناء القراءة الجهرية. والكتابة بخط واضح ومقروء

 – تخصيص وقت مناسب للطفل المعسر بالامتحان او بالكتابة عن السبورة او إنجاز الوظايف

 –  نكون صبورين وبالنا طويل لنقدر نساعد الطفل

وآخر شي بدي ارجع ذكركن انو الطفل المصاب بعسر القراءة غالباً بيكون مبدع بمجالات تانية، وهاد دليل قوي على انو عسر القراءة ما لو تخلف عقلي

مشاهير في العالم كانوا مصابين بعسر القراءة:

العالم البرت أينشتاين

الرئيس الامريكي جورج واشنطن

الممثل الامريكي توم كروز

المخترع توماس اديسون

المخترع الكسندر غراهام بل

الملاكم محمد علي كلاي

الفنان العالمي بابلو بيكاسو

المخرج والمنتج السينمائي ستيفن سبيلبرج

والممثلة جينيفر أنيستون

نبذة عن الكاتب

محرر سوريالي

Loading Facebook Comments ...