دوار الدلة بالرقة – بيتي هون 11

من الذاكرة

الخريطة التي يرسمها راشد الراشد في هذه الحلقة، هي خريطة شوارع الرقة بالتفصيل، أماكن تجمع الأهل، أماكن تجمع الأصدقاء الشوارع التي اعتاد الناس المشي فيها، بس هي المدينة المنسية، عم ترسم اليوم خريطة عالمية لتشتت وغربة أهلها بأماكن كثيرة.

بهي الحلقة بيرسم راشد الراشد ، خريطة لناس رحلوا عن عالمنا وهم يحاولون الهروب من الموت، يرسم خريطة أصدقاء جمعتهم المدارس والحارة، وبات وجود كل منهم في هذا العالم الافتراضي عبر وسائل التواصل الاجتماعي قريب لكن بعيد  بنفس الوقت.

ضيف الحلقة، الذي حاول أن يقوم بمهمة شاقة في بناء مفاهيم المواطنة والسلام بهي المدينة، غادرها مجبراً، وهو ما يزال يحلم بالمواطنة والسلام كدعامتين لبناء مجتمعه.

للصوت 

خوجة عزيز كان من  أقدم أساتذة الرقة، وهو أستاذ أرمني، رفض أنه يغادر الرقة لآخر لحظة قبل رحيله عن هي المدينة، من الشخصيات يلي استذكرها معنا راشد بهي الحلقة، أبو ابراهيم مصلح البوابير الوحيد والأشهر في المدينة، يلي كان ينظف الصواني والطناجر. بيتي هون هوه محاولة لتوثيق حياة المدينة والناس يلي عاشوا فيها، مع راشد الراشد بحلقة بعنوانها الرقة دوار التلة خلونا نكمل سماع الحلقة.

اسمعوا الحلقة عالساوندكلاود

– – – –

والصورة

بهي المنطقة كان بيت راشد، البيت يلي تدمر بغارة من الطيران الروسي إلى جانب 70 بالمئة من المنطقة وبقيت الذكرياتسبب استهداف المنقطة كان وجود مستودع أغذية ورا البيت .

أول ما بلش العمار بهي المنطقة وأول البيوت التي سكنت كانت بيت الحاج سعيد هنن أول بيت ،  وبهي الحارة كان بيت حج خلف .. البيت العربي كبير يلي تحول لبناية كبيرة.

بعده بيت محمد علي أو أبو أيمن على ..

من الذكريات يلي حملها راشد كانت ذكريات بيت حج سعيد وهو البيت يلي كل صباحيات الأعياد بتكون عندهن بسبب عزيمة الفطور المتأخر، ويلي بيكون الأكلة الرقاوية الشهيرة الثرود

هي الصورة هيه لشارع المنصور يلي عاش مرحلة من الازدهار، بيتذكر التمشاية المسا وكيف الناس كلها كانت بتعرف بعضها وتمسي على بعضها وبيحكو، من الأشيا يلي بيتذكرها راشد أكل الفطاير من عند الفاخر أو شرب العصير أو أكل البوظة من عند النعيم، مين بيتذكر هي الأمكنة؟

يلي كان عايش بالرقة بيتذكر يوسف، يوسف لساته موجود  بالرقة وعم يقول للناس ارجعوا.. ارجعوا.

رغم بعده عن الرقة، إلاّ أنه راشد بيحمل المدينة وذكرياتها جواته وبيقول رح اتضل جواته

 – – – –

وعالخريطة

بعض من ذكريات راشد بالرقة ،  قبل الثورة،  وبأيام الثورة شاركونا ذكرياتكم بالتعليقات أو حتى بالرسائل ..

نبذة عن الكاتب

عمرو سواح

معد ومقدم برامج في راديو سوريالي .ناقد مسرحي وكاتب ومحرر. يقيم حالياً في مدينة بوردو

Loading Facebook Comments ...