هل نحن مراقبين بوسائل المواصلات؟ (ألماني) – سورمانيا 205

 وسائل النقل العام أماكن بيلتقي فيها ناس من مختلف الأعراق والأجناس. بهي الحلقة من سورمانيا منرّكز على التواصل الصامت بين ركاب وسائل النقل المختلفة. هاد النوع من التواصل شائع عند بعض القادمين الجدد والمهاجرين وبيخليهم يحسو حالهم مراقبين. بيحسوا بضغط نفسي بسبب نظرات الفضول أثناء تنقلاتهم وهاد الشي بيخليهم يغيروا تصرفاتهم لتفادي تأكيد صورة نمطية عنهم. فهل فعلاً عليهم رقابة؟ أم هو مجرد تفسير خاطئ لنظرات الآخرين؟ حاولنا الإجابة على هي الأسئلة، وأجرينا حوار عن الموضوع مع السيدة دوروثييا تسيمرمان الأخصائية والمعالجة النفسانية في جمعية فيلدفاسر والسيد رضا عبد القادر طبيب الأسنان السوري الذي وصل إلى ألمانيا قبل عامين فقط.

“Schmeckt” – شي لذيذ

البقلاوة حلويات تركية عربية معروفة عند معظم الناس، بس شو هنن المبرومة بالفستق وحلاوة الجبن والشعيبيات؟  زرنا  محل “داماسكوس”  المختص بصناعة وبيع الحلويات السورية. المحل بشارع زونن ألي وصاحبه صرله بألمانيا عدة سنوات وكان قبلها صاحب  خبرة واسعة على مدى اكثر من ثلاثين سنة وشهرة واسعة في مجاله  وبخاصة في مدينته حمص.

– – – –

نبذة عن الكاتب

معدّة ومخرجة برامج براديو سوريالي. ديمة خريجة فنون وإعلام، مقيمة حاليّا ببرلين،ألمانيا، "بحب القراءة كتير ومتل كل فريق سوريالي بحب السفر والطبخ! بعرف انه للي جاية أحلى لأن كتيرين للي عم يشتغلو كرماله"

Loading Facebook Comments ...