نصائح للاسبوع الأول بعد الولادة

بعد ما تستقبلي المباركات بالمولود الجديد وترحبي بفرد جديدة بالعائلة، أكيد أول أسبوع راح يكون في شي جديد بحياتك وراح تحسي انو في شغلات عم تلبكك وما عم تعرفي تتعاملي معها ونحنا هون راح نساعدك بكم نصيحة مهمة للأسبوع الأول بعد الولادة.

  • العناية بالغذاء شي كتير مهم، لأنو إنتي بحاجة لتسترجعي صحتك وقوتك. لهيك لازم يكون الغذاء متوازن ويكون فيه عناصر غذائية متكاملة مو بس مشانك كمان مشان البيبي.
  • لا تفكري أنو ممكن يرجع شكلك بعد الولاد متل ماكان قبل الحمل بسرعة، لاتنسى أنو الرحم كان حجموا متضاعف 22 مرة غير زيادة الوزن، لهيك بعد الولادة بست أسابيع فيكي تبلشي تعملي تمارين رياضية خاصة بالسيدة الحامل.
  • الرضاعة الطبيعية ممكن تسببلك الألم بالبداية. هو طبيعي إذا كان ألم مو تقرح وفيكي تستخدمي غليسرين للتخفيف من الألم وكمان تبردي صدرك لحتى يخف الاحتقان. أما إذا كان شاغلك بالك إذا الطفل شبع أو لاء، فهو أكيد شبع لانو حجم المعدة صغير وكمية الحليب اللي عندك بتتناسب مع حاجتوا ولا تنسى انو المادة اللي بتنزل قبل الحليب هي مغذية للطفل.
  • سرة الطفل هي من المواضيع اللي كتير بتشغل بالك وبال المحيطين فيكي وكل شوي بيسألوا هرت أو ما هرت، السرة بدها من أسبوع لـ10 أيام لتهر وتروح لحالها. وانتبهي إنك ما تحاولي تشديها او تحطيلها ملح. كمان انتبهي وإنتي عم تحطي الحفوضة للطفل تكون بعيدة شوي عن السرة مشان ما يجي عليها شي من بول أو براز الطفل.

لتفاصيل ونصايح أكتر فيكي تسمعي تسع شهور من هون.

نبذة عن الكاتب

محرر الموقع

Loading Facebook Comments ...