سبع مجموعات للضغط الاجتماعي

كتير من التغيرات بتطرأ على السيدة الحامل. ان كان نفسياً أو جسدياً. وأول ما ينتشر خبر الحمل بمحيط السيدة الحامل بتصير كتير تغيرات فالكل بيقدم نصائح وإرشادات وبصير الاهتمام الزائد من نوع عملي هي ولا تعملي وكلي كذا وشربي كذا… إلخ من هالأسطوانة، هي وحدة من مجموعات الضغط الاجتماعي الكتيرة واللي راح نحكي على كم واحد منها.

  • أول مجموعة هي مجموعة الناصحين وباختصار هدول هني الأشخاص اللي أول ما يعرفوا أنك حامل راح يبلشوا يقدموا نصائح يمين وشمال من نوع كلي هي ولا تاكلي هي شربي أكتر لا تتحركي لا تصبغي شعر والقائمة ما بتخلص، الأكيد انو من الجيد الاستفادة من نصائح الغير لكن مو بطريقة عشوائية وأي حدا بيعطيكي نصيحة اسأليه عن مصدرها لتتأكدي منها وهي بتكوني حطيتي المجموعة الأولى بالزاوية.
  • تاني مجموعة السماة مجموعة “اللحمسة” وهني الناس اللي أول ما بيشوفوكي بيلحمسوا على بطنك وبيعتقدوا أنو هالشي طبيعي، والطريقة لأنك تخلصي من هالعادة اللي ممكن تكون مزعجة إنك تقولي انك ما بتحبيها بلطف أو إنك تمرقيها بشي مزحة خفيفة.
  • المجموعة التالتة من مجموعات الضغط الاجتماعي واللي هي مجموعة “لسا ماشفتي شي” وهني المجموعة اللي أول ما تقولي شي كلمة من نوع ماني عم اقدر نام أو تعبانة بيكون أول تعليق لسا ماشفتي شي وإنو اللي جاية اسوء ومارح ترتاحي وأفضل رد على هي المجموعة إنك ما ترتعبي وتردي إنك بتعرفي انو الأمومة صعبة بس أكيد في شي بيعوض هالتعب.
  • أما المجموعة الرابعة هي مجموعة “هم البنات للممات” هي المجموعة اللي بتعبر عن حزنها لما بيعرفوا إنك حامل ببنت!! وبتصير الدعوات من نوع أهم شي الخلقة التامة أو زوجك مبسوط أو انشالله المرة الجاية الله بيعوضك بصبي، هون للحقيقة مافي طريقة لطيفة للرد على هي المجموعة فشوفي المناسب للموقف وتصرفي.

لسا في مجموعات تانية من مجموعات الضغط الاجتماعي على السيدة الحامل فيكون تسمعوها وتتعرفوا عليها ببرنامج تسع شهور هون.

نبذة عن الكاتب

محرر الموقع

Loading Facebook Comments ...