ألف طبخة وطبخة 29 – المجدرة

شوفوا الفيديو كمان عاليوتيوب أو عالفيسبوك أو نزلوه مباشرة

أنا خالد من سلمى بريف اللاذقية، بتذكرن الأكلة بأخوي وأمي وحبيبتي السورية يلي ما لاقيتها ولا حضنتها بعد. وبيخطر ببالي ضيعتي سلمى القريبة عالحدود. كيف كنا معزولبن عن العالم الخارجي، تركيا وأوروبا.

المجدرة بتخليني فكر بالزواج. بأمي وأخوي. ضيعتي سلمى، عزلتنا عن العالم الخارجي، لا خدمات اتصال ولا شي.

هالأكلة مرتبطة بوالدتي يلي تخلت عني وتركتني للقدر. وكيف كنت منعزل عن أهلي ومجتمعي، كنت حس اني مختلف عن هالمجتمع ما حس أني اهتماماتي متل اهتماماتون أو أفكاري وتصرفاتي متل تصرفاتون فكنت حس بالعزلة دائما وهلشي كان يسببلي مشاكل أحيانا مع محيطي الاجتماعي حتى مع أقرب الناس.

كل شي تغير وأنا تقريبا كلني تغيرت. ما عدت الشخص يلي كنت عليه قبل الـ2011. قليل ما آكل أكلتي المفضلة بعد الـ2011. كل شي غالي إلا البني آدم هو أرخص الشي بهل وقت. المكان ما تغير كتير بس أنا والناس يلي حوليي ومحيطي الاجتماعي تغير كتير من كتر الهم والحزن ما عاد الناس تسأل على بعضا.

أحياناً بحبا تكون طريقة تحضيرا تقليدية وأحيانا بحبا تكون مختلفة ومميزة.

المكونات

  • عدس أسمر
  • كاسة ونص برغل خشن
  • كاستين مي
  • بصلة كبيرة مقطعة جوانج
  • بصلة كبيرة مفرومة

طريقة التحضير

  1. منسلق العدس بالمي مع اضافة ملح وبس يستوي منصفي ومبرده حتى ما ينخبص بالطبخ.
  2. منقلي البصل الجوانح بزيت الزيتون مع رشة ملح ومنصفيهم ومنتركهم على جنب.
  3. نفس الزيت اللي قلينا فيه البصل الجوانج منقلي فيه البصل المفروم ومنضيف عليه البرغل المغسول ومنقلبه شوي مع البصل.
  4. منضيف العدس المسلوق والمي ولما تبلش تغلي منضيف الملح ومنغطي الطنجرة لتستوي على نار هادية.
  5. عند التقديم منجللها بجوانج البصل المقلي.

صحين وهنا.

نبذة عن الكاتب

إياد كلّاس، شريك مؤسس ومدير البرامج في راديو سوريالي. إياد مدير مشاريع، مدرب ومحاضر، خبير في ميدان ريادة الأعمال، ناشط في مجال المناصرة لحقوق الإنسان والإعلام، بالإضافة لكونه عضو مجلس إدارة في جمعية "رؤية لغد أفضل" يحمل شهادة الماستر من جامعة "بول سيزان"، ومقيم حالياً في بوردوه - فرنسا "عندي حلم إني أسمع سوريالي في أحد مقاهي أي مدينة صغيرة في سوريا، يوماً ما ... قريباً جداً"

Loading Facebook Comments ...