ألف طبخة وطبخة 27 – الخلطة

شوفوا الفيديو كمان عاليوتيوب أو عالفيسبوك أو نزلوه مباشرة

أنا وسام زرقا. من حلب، تركتها لفترة ورجعت استقريت فيها. الخلطة هي أكلة بسيطة كتير شغل فطور أو عشا بتذكرني ببيت نانتي (جدتي) وحديقة السبيل ياللي كنا نروح عليها ونحن صغار وناكل صندويش خلطة فيها. نانتي كانت تعملها صندويش وتطعمينا ياها مع خيار.

بعد بداية الثورة سافرت عالسعودية وصار صعب لاقي نفس المكونات ومع ذلك بقيت ساويها ورفقاتي ياللي كانوا بشتغلوا معي بالجامعة كانوا يجوا على مكتبي ويفطروا معي ويحبوا هاﻷكلة. الغريب هو بالرغم من بساطتها للأكلة كانت تجمع عالفطور جنسيات مختلفة. وهلق بعد ما رجعت لحلب حسيت اﻷكلة سافرت ورجعت معي ورجعلها ألقها بعد رجعت أجيب المكونات من أحسنها.  وصرت كتر زيت الزيتون فيها كمان بعد ما حببني رفيقي التونسي بزيت الزيتون أكتر وحسسني إنهم بتونس ممكن ياكلوا خبز مع زيت الزيتون بس.

المقادير

  • زعتر حلبي
  • زيت زيتون
  • دبس فليفلة
  • بهارات حسب الرغبة

الطريقة

  1. خلط المكونات مع بعضها
  2. منلفها بسندويش خيز عربي ومناكلها مع خيار
  3. وممكن كمان نستخدمها كحشوة فطاير
  4. ممكن كمان استخدامها كتتبيلة سلطة
  5. وأكيد ممكن استخدامها كتتبيلة لحمة

نبذة عن الكاتب

إياد كلّاس، شريك مؤسس ومدير البرامج في راديو سوريالي. إياد مدير مشاريع، مدرب ومحاضر، خبير في ميدان ريادة الأعمال، ناشط في مجال المناصرة لحقوق الإنسان والإعلام، بالإضافة لكونه عضو مجلس إدارة في جمعية "رؤية لغد أفضل" يحمل شهادة الماستر من جامعة "بول سيزان"، ومقيم حالياً في بوردوه - فرنسا "عندي حلم إني أسمع سوريالي في أحد مقاهي أي مدينة صغيرة في سوريا، يوماً ما ... قريباً جداً"

Loading Facebook Comments ...