ألف طبخة وطبخة 22 – المليحي

شوفوا الفيديو كمان عاليوتيوب أو عالفيسبوك أو نزلوه مباشرة

أنا مهيار من درعا مقيم بألمانيا، بحب المليحي لأنوب يذكرني ببيت ستي وجمعات العيلة الكبيرة عندها بكل المناسبات والأعياد والاحتفالات. ستي توفت بالـ2014 والبيت هلق فاضي، ما ضل حدا هنيك.

بعدنا منعمل الأكلة ع طول، حتى بعد ما طلعنا من سوريا. بس أكيد مو متل أول، وما عاد عملناها مع كبة مقلية. ومنغير بالوصفة التقليدية بشكل أساسي بطريقة تحضير الشاكرية، لأنو المواد المستعملة هي بدائل من السوق هون مو نفس المكونات الأصلية.

المكونات

  • 250غ لبن
  • 4 دبابيس دجاج
  • ملعقتين سمنة او زبدة
  • بيضة
  • ملعقة نشاء
  • نص كاسة برغل
  • بصلتين
  • ملح
  • فلفل اسود، قرفة، ورق غار، هيل
  • ماء

طريقة التحضير

  1. منسلق دبابيس الدجاج مع اضافة المطيبات وقش الزفرة ومنحتفظ بمية السلق
  2. منحط بمقلاية معلقتين السمنة او الزبدة ومنضيف البرغل والبصل المقطع جوانج ومنضيف كاسة مي من مية السلق
  3. منحط اللبن بطنجرة ومنضيف عليه البيضة والنشا والملح ومنخفق اللبن ع البارد وبعدين منحط اللبن على نار متوسطة ومنضل نحرك حتى تظهر اول فقاعة.
  4. منضيف شوية مي من مية السلق ومنضيف الدجاج والبصل فوق اللبن ومنخليهم يغلوا سوا لمدة ربع ساعة.
  5. منحط البرغل بصحن التقديم الغميق ومنصف فوقو دبابيس الدجاج ومنسقى البرغل ومنفركه باللبن المطبوخ.

وصحتين وهنا.

نبذة عن الكاتب

إياد كلّاس، شريك مؤسس ومدير البرامج في راديو سوريالي. إياد مدير مشاريع، مدرب ومحاضر، خبير في ميدان ريادة الأعمال، ناشط في مجال المناصرة لحقوق الإنسان والإعلام، بالإضافة لكونه عضو مجلس إدارة في جمعية "رؤية لغد أفضل" يحمل شهادة الماستر من جامعة "بول سيزان"، ومقيم حالياً في بوردوه - فرنسا "عندي حلم إني أسمع سوريالي في أحد مقاهي أي مدينة صغيرة في سوريا، يوماً ما ... قريباً جداً"

Loading Facebook Comments ...