ألف طبخة وطبخة 18 – عجّة البطاطا

شوفوا الفيديو كمان عاليوتيوب أو عالفيسبوك أو نزلوه مباشرة

أنا أنس من دمشق مقيم بالبحرين. مفركة البطاطا لما بغمض عيوني وبتذكرها بتذكر أنا وراجع عالبيت من الجامعة جوعان كتير وبتذكر مطبخنا، والنق انه ليش نفس الطبخة كل مرة. اليوم مطبخنا بالشام انحرق وصرت صرت آكلها وأنا جداً مبسوط وعامل حتى إنجاز. إضافاتي كتيرة على هالأكلة، صرت أعملها مفركة بطاطا عالطريقة المكسيكية، بحطلها فطر، و فليفلة خضرا وحمرا وشوية فليفلة يابسة لتطلع حدة.

المكونات

  • بطاطتين مبروشات
  • سن توم مقطع لشرائح رفيعة
  • بصلة كبيرة
  • 3 بيضات
  • نص كاسة زيت زيتون
  • فلفل أسود وملح
  • شوية مي غازية

طريقة التحضير

  1. منقلي سن التوم بشوية زيت زيتون وبعد منسحب التوم من الزيت لانو بدنا ياه بس يعطي طعمة للزيت.
  2. منضيف البصل المفروم والبطاطا المبروشة ع الزيت ومنخليهون حتى يبلشوا يلوحو ويتغير لونهون منصفيهون من الزيت ومنحطهون ع جنب ليبردوا.
  3. منحفق البيض مع الملح والفلفل ومنضفلهم شوي مي غازية إذا انوجدت رشة باكينغ بودر/صودا.
  4. منضيف البطاطا والبصل شوي شوي على مزيج البيض ومنحطهم بالمقلاية مع نقطة زيت، منحمّر أول وش وبعدين منقلبها ع الوش التاني وليتحمر.

هي الأكلة بتتاكل باردة وصحتين وهنا.

نبذة عن الكاتب

إياد كلّاس، شريك مؤسس ومدير البرامج في راديو سوريالي. إياد مدير مشاريع، مدرب ومحاضر، خبير في ميدان ريادة الأعمال، ناشط في مجال المناصرة لحقوق الإنسان والإعلام، بالإضافة لكونه عضو مجلس إدارة في جمعية "رؤية لغد أفضل" يحمل شهادة الماستر من جامعة "بول سيزان"، ومقيم حالياً في بوردوه - فرنسا "عندي حلم إني أسمع سوريالي في أحد مقاهي أي مدينة صغيرة في سوريا، يوماً ما ... قريباً جداً"

Loading Facebook Comments ...