ألف طبخة وطبخة 5 – محشي التنابل

 

شوفو الفيديو كمان عاليوتيوب أو عالفيسبوك أو نزلوه مباشرة

أنا مراد فارس من حمص. مقيم بدوسلدورف، ألمانيا. بيذكرني الكوسا المحشي بمعازيم كتار وصوت الصحون و الملاعق. ببيت أهلي بسوريا وآخر جمعة مع إخواتي وأولادهم و العيلة الكبيرة. بشكل طبيعي عيلتنا الكبيرة ما بتجتمع اإا كم يوم بالسنة، كل واحد بشغلو بمحافظة مختلفة أو حتى بلد أو قارة تانية. الكوسا المحشي هو اللي بيجمع العيلة، ريحة النعنع والتوم بمرقة البندورة المطبوخة عنار هادية بترجعني لهنيك، عصالون بيتنا، وبتذكرني بأمي. علاقتنا كتير كويسة وصرلي 3 سنين ما شفتا، بتخيل لما غمض عيوني وشم ريحة الكوسا صالون بيتنا، والمروحة السقفية اللي لازم تنطفى بالصيف مشان ما يبرد الأكل ولو كان الجو نار. حالياً ما في أي معلومات عن هالمكان. الحارة كلها هاجرت وما ضل حدا منعرفو.

تقريباً العلاقة مع الأكلة ما تغيرت، لولا إني ما عاد أكلتا تقريباً بشكلها الأصلي طبعاً. أنا إنسان عايش لحالي وبشتغل ووقتي كتير محدود، كمان مافيني آكل شو ما كان، التغيير هو تسهيل الموضوع وتخفيف لبكة وتوفير وقت مع الحرص أني اجيب الأفضل من بين المواد. هاي هي فلسفتي بالطبخ.

المكونات

  • نصف كاسة رز حبة صغيرة
  • علبة بندورة مقشورة أو صلصة بندورة
  • سنين توم
  • رشة نعنع يابس
  • ملعقة صغيرة دبس فليفلة
  • 200غ لحم مفروم
  • ملعقتين سمنة أو زبدة
  • رشة بهارات وملح
  • ملعقة رب بندورة

طريقة التحضير

الحشوة

  1. يغسل الأرز ويصفى
  2. في مقلاة، تضاف ملعقة سمنة صغيرة ويقلى اللحم المفروم مع رشة ملح، رشة فلفل، رشة كمون، ورشة بابريكا.
  3. يضاف الأرز المغسول وثلاث أرباع كأس من الماء
  4. عندما يغلي المزيج تُخفف النار ويضاف الملح وتغلق الطنجرة كي ينضج الأرز؟

الكوسا

يقطع الكوسا نصفين ويصف في صحن ثم يدخل إلى الميكرويف لمدة 5 دقائق على درجة 650 واط. يفرغ لب الكوسا بملعقة صغيرة

الصلصة

1- تخلط المكونات التالية:

  • علبة بندورة مقطعة
  • ملعقة رب بندورة
  • ملعقة دبس فليفلة
  • ملح وبهار
  • رشة نعناع يابس
  • سنين ثوم مدقوق
  • كأس ماء

2- تسكب الصلصة فوق الكوسا وتدخل عالفرن لمدة 30 دقيقة على حرارة 150

صحة وهنا

نبذة عن الكاتب

إياد كلّاس، شريك مؤسس ومدير البرامج في راديو سوريالي. إياد مدير مشاريع، مدرب ومحاضر، خبير في ميدان ريادة الأعمال، ناشط في مجال المناصرة لحقوق الإنسان والإعلام، بالإضافة لكونه عضو مجلس إدارة في جمعية "رؤية لغد أفضل" يحمل شهادة الماستر من جامعة "بول سيزان"، ومقيم حالياً في بوردوه - فرنسا "عندي حلم إني أسمع سوريالي في أحد مقاهي أي مدينة صغيرة في سوريا، يوماً ما ... قريباً جداً"

Loading Facebook Comments ...